Мәжілісте тұрғын үй қатынастарын реттейтін заңнаманы іске асыру мәселелеріне арналған дөңгелек үстел өтеді
АСТАНА. Сәуірдің 21-і. ҚазАқпарат - Ертең, сәуірдің 22-сі күні Парламент Мәжілісінде «Тұрғын үй қатынастарын реттейтін заңнаманы іске асырудың практикалық аспектілері» деген тақырып бойынша дөңгелек үстел өтеді,
деп хабарлайды ҚазАқпарат.
Бұл шараның ұйымдастырушысы - «Нұр Отан» ХДП ҚР Парламенті Мәжілісіндегі фракциясы жанындағы Қоғамдық ұйымдармен байланыс жөніндегі кеңесі.
Дөңгелек үстел «Нұр Отан» партиясының іс-шаралар жоспарына сәйкес жүзеге асырылып отыр. Бұл жөнінде «Нұр Отан» ХДП-ның Мәжілістегі фракциясы жанындағы Қоғамдық ұйымдармен байланыс жөніндегі кеңесінің төрағасы Валерий Доскалов мәлім етті.
