17:34, 27 Сәуір 2024 | GMT +6
Мәжіліс депутаттары мешіт аумағына 350 түп ағаш отырғызды
АСТАНА. KAZINFORM - Мәжіліс депутаттары мен палата аппаратының қызметкерлері «Таза Қазақстан» акциясына қатысты. Жалпы қалалық сенбілікте олар 350 түп ағаш отырғызды.
Мәжіліс депутаттары мен Аппарат қызметкерлері Астанадағы «Әзірет Сұлтан» мешітінің аумағын көгалдандыруға атсалысты. Жалпы қалалық сенбілік барысында депутаттар шырша, қарағай, емен және қайың көшеттерін отырғызды.
Сенбілік Мемлекет басшысы Қасым-Жомарт Тоқаевтың «Таза Қазақстан» ауқымды экологиялық бастамасы аясында ұйымдастырылып, еліміздің барлық өңірлерін қамтыды. Ал Астанада «Жасыл аймақ» деген атаумен өтіп жатыр.
Бұған дейін Сенаторлар «Таза Қазақстан» экологиялық акциясына қатысқанын жазған болатынбыз.
