Медведев Сочидегі Олимпиада жарыстарына билеттерді сату туралы ережені бекітті
АСТАНА. 9 ақпан. ҚазАқпарат - РФ Премьер-министрі Дмитрий Медведев Сочиде 2014 жылы өткізілетін ХХІІ қысқы Олимпиада ойындары мен ХІ Паралимпиадалық қысқы ойындар спорттық шаралары мен рәсімдеріне қатысу үшін кіру билеттерін сату туралы ережені бекітті.
«Билеттерді «Сочи 2014» Ұйымдастыру комитеті, билеттік операторлар және билет операторларының субагенттері арқылы билет кассалары мен билеттік сайтта ғана сатылатын болады», - деп нақтылады баспасөз қызметінен.
Тіркеу карталарын ресімдеу және беру Ғаламтордағы сәйкестендірілген сайтта орналастырылған мәлімдемелер негізінде тіркеу карталарын беру орталықтары арқылы жүзеге асырылады.
