Мексика президенті АҚШ-қа Америка Mexicana деген жаңа атауды ұсынды
АСТАНА. KAZINFORM – Мексика президенті Клаудиа Шейнбаум АҚШ-тың сайланған президентінің Мексика шығанағының атын өзгерту туралы пікіріне жауап ретінде АҚШ-тың XVII ғасырдағы атауын қолдануды ұсынды, деп хабарлайды Kazinform меншікті тілшісі.
Дональд Трамп сейсенбіде Мексика шығанағының атауын Америка шығанағы деп өзгертуге ниетті екенін мәлімдеді.
Өз кезегінде, Мексика президенті Клаудия Шейнбаум АҚШ, Мексика және Канаданың кейбір бөліктері көрсетілген 1607 жылғы картаны ұсынды. Ол Дональд Трамптың Мексика шығанағының атауын өзгерту туралы ұсынысына жауап ретінде АҚШ-қа аумақтың тарихи атауын «Американа Meксикана» деп қайтаруды ұсынды, деп хабарлайды NBC News.
- America Mexicana деп неге атамасқа? Жақсы естіледі, солай емес пе? Бұл рас емес пе? — деп хабарлады Клаудия Шейнбаум.
1607 жылы Амстердамда орналасқан Голландиялық Ост-Инд компаниясына тапсырыс берген еуропалық картада бұл аумақ «America Mexicana» деп аталды.
Бұл атау испан билігіне қарсы тәуелсіздік қозғалысы кезінде әзірленген Апацинган Конституциясында (Мексикандық Американың 1814 жылғы бостандық жарлығы) да бар.
Клаудия Шейнбаум сондай-ақ Дональд Трамптың елді есірткі картельдері басқарады деген пікірін жоққа шығарып, «Мексиканы халық басқарады» деп жауап берді.
Осыған дейін Трамптың Қытай, Мексика және Канада тауарларына жаңа тариф енгізуді жоспарлап отырғанын жаздық.
