Мексика түрмесінен 11 тұтқын қашты

АСТАНА. ҚазАқпарат - Мексиканың Канкун (елдің оңтүстік-шығысы) курортты қаласы маңында орналасқан түрмеден 11 тұтқын қашып кеткен. El Sol de Mexico газетінің хабарлауынша, құқық қорғау органдары қашқан қылмыскерлерді іздестіру шараларын жүргізуде, - дейді ТАСС.

Тұтқындар түзеу мекемесіндегі қарауылға бас салып, байлап тастаған. Содан кейін түрме айналасына орнатылған металл торды кесіп, қоршауға өрмелеп шығып, өздерін күтіп тұрған таксиге мініп іздерін суытқан.

Қашқындар "Лос-Суреньос" бандасының құрамында болған. Олардың қандай қылмыс үшін жазасын өтегені әлі анықталған жоқ.