Мексикада 150 полицей қамауға алынды
АСТАНА. 19 қаңтар. ҚазАқпарат - Мексиканың солтүстігінде орналасқан Дуранго штатында ұйымдасқан қылмыспен байланысқа күдікті 150-ден астам полицей қамауға алынды, деп хабарлады Би-Би-Си.
Сондай-ақ штаттың екі қаласы - Гомес-Паласио және Лердо шаһарларында қоғамдық қауіпсіздікті қамтамасыз етуге жауапты шенеуніктер ұсталды, деп хабарлады РБК.
Операция әскери бөлімдердің аталмыш қалаларда полицей учаскелерді қоршауға алуымен басталды.
Естеріңізге сала кетейік, жуырда елдің жаңадан сайланған президенті Энрике Пенья Ньето мәлім еткендей, сыбайлас жемқорлықпен күрес оның әкімшілігінің негізгі қағидаларының бірі болып табылады.
