Мексикада дәрігерлер салмағы 12 келі ұл баланың 15 келі обырына ота жасады

АСТАНА. 29 маусым. ҚазАқпарат - Солтүстік мексикалық Дуранго штатының дәрігерлері екі жасар ұл баланың қатерлі ісігін алу бойынша күрделі операцияны сәтті өткізді, деп хабарлайды Bnews.kz

 The Washington Post -қа сілтеме жасап.

Бұл операцияның ерекшелігі, ота жасайтын қатерлі ісіктің салмағы 15 кг, ал баланың салмағы 12 кг құраған. Дәрігерлердің айтуына қарағанда, бала оң жақ қолтығынан беліне дейін жайылып кеткен обыр ісігімен қоса туған.

«Операция 10 сағатқа созылып, сәтті аяқталды. Бала өзін жақсы сезініп, қазір жағдайы жақсара түскен», - деп хабарлады баланың емдеуші дәрігері Густаво Эрнандез.