Мексикада футболшылар мінген автобус өзенге құлап, 8 адам мерт болды
АСТАНА. ҚазАқпарат - Әуесқой футболшылар командасы мен жанкүйерлерді мексикалық Веракрус штатына апара жатқан автобус жексенбі күні өзенге құлап, оқиға салдарынан кемінде 8 адам мерт болды және 30 адам жарақаттанды, деп хабарлады РИА Новости.
«Қазіргі кезде сегізден астам адам қаза болғаны белгілі», деп хабарлады азаматтарды қорғау аймақтық агенттігінің өкілі Рикардо Маса Лимон.
Франс Пресс агенттігінің хабарлауынша, алдын ала ннұсқа бойынша ЖКО тежегіштің бұзылуынан орын алған.
Штат билігі құрбандар саны арта түсуі мүмкін деп қауіптенеді, өйткені, адамдардың денелері суға батқан автобустың астында өзен түбінде болуы мүмкін. Автобус жолаушыларының арасында балалар да болған.
