Мексикада мұнайгаз компаниясының құбыр желісінде жарылыс болды
МЕХИКО. ҚазАқпарат – Мексиканың Pemex мұнайгаз компаниясына қарасты құбыр желісінде дүйсенбі күні болған жарылыс салдарынан кем дегенде бес адам зардап шекті, деп хабарлайды ҚазАқпарат.
Келеңсіз оқиға елдің оңтүстік шығысындағы Веракрус штатының Поса-Рика қаласындағы аудандардың бірінде болған.
«Ла-Барита ауданы аумағында, Pemex құбыр желісінде болған жарылыс жайлы мәліметтер түсіп жатыр», - делінген өңірлік азаматтық қорғаныс басқармасының Twitter -де жариялаған хабарламасында. – Алдын ала түскен ақпарат бойынша, бес адам жарақаттанған, олар ауруханаға жеткізілген.
Келеңсіз жағдайға не себеп болғаны белгісіз.
Pemex өкілдері апат салдарын жою жұмыстарымен шұғылданып жатыр.
