Мексикада туристер мінген автобус апатқа ұшырап, 11 адам қаза тапты
АСТАНА. ҚазАқпарат - Мексикадағы Кинтана-Роо штатында туристер мінген автобус жол-көлік оқиғасына ұшырады. Апат салдарынан 11 адам қаза тауып, 20-сы жарақаттанды.
Бұл туралы өңір билігі Facebook-тегі парақшасына жазды, деп хабарлайды ТАСС .
Чаккобен археологиялық аймағына бет алған автобуста 31 адам болған. Қаза тапқандар арасында Канада, Италия және Мексика азаматтары бар.
Апаттың себеп-салдарын анықтау жұмыстары жүріп жатыр.
