Мексикада ұшақ тұрғын үйге соғылып, бірнеше адам қаза тапты
АСТАНА. ҚазАқпарат - Cessna маркалы шағын ұшағы дүйсенбі күні Мексиканың Синалоа штаты Кулиакан қаласында тұрғын үйге соғылды, деп хабарлайды Aristegui Noticias порталы.
Бейресми деректер бойынша, оқиға орнында төрт адам қаза тауып, екеуі жарақат алған. Ғимарат айтарлықтай зақымдалған.
Апаттың мән-жайы әзірге белгісіз. Оқиға орнында құтқарушылар жұмыс істеп жатыр.
