Мексикада жаңа тағайындалған қала басшысын атып кетті
АСТАНА. ҚазАқпарат - Мексикада Темиско қаласының жаңа мэрін қызметіне кіріскеннен кейін 1 күннен соң атып кетті, деп хабарлады russian.rt.com
Темиско қаласының мэрі Гисела Мота қызметіне кіріскен күннің ертеңінде белгісіз біреулердің қолынан өз пәтерінде қаза тапты. Оның пәтеріне қаруланған 4 ер адам кіріп, саясаткерді атып кеткен.
БАҚ өкілдері оқиғаға қатысты жергілікті қылмыстық топтың жаңа басшының келуіне қарсылығы болуы мүмкін деген нұсқа ұсынады. Қылмыстық істің мән жайы анықталуда.
