Мексикада жасырын жерленген жерден 30-дан астам адамның денесі табылды
АСТАНА. KAZINFORM – Мексиканың оңтүстігіндегі Чьапас қаласында барлығы 30-дан астам адамның денесі бар 25 құпия қабір анықталды, деп хабарлайды report.az.
Бұл туралы штаттың бас прокуроры Хорхе Луис Льявен Абарка мәлімдеді.
- Бүгінде біз барлығы 25 құпия қабірді анықтадық, 31 мәйіт табылды, оның 29-ы ер адам және екеуі әйел», - деді ол Чьяпас бас прокуратурасының сайтында жарияланған мәлімдемеде.
- Біз із-түзсіз жоғалып кеткендердің барлығының денесін табу үшін барлық қажетті шараyы қабылдауды жалғастырамыз, - деп қосты Льявен Абарка.
Мексика-Гватемала шекарасында орналасқан Чьяпас штаты қылмыс туралы жаңалықтарымен белгілі. Оның аумағын Латын Америкасы елдерінен келген заңсыз мигранттар пайдаланады, олар кейіннен АҚШ-қа жету үшін Мексиканы кесіп өтуге тырысады.
Сонымен қатар мұнда есірткі картельдері белсенді жұмыс істеп отыр.
Мексика түрмесіндегі қарулы наразылық кезінде жеті адам көз жұмғанын жазған болатынбыз.
