Мексикадағы дауыл алты адамның өмірін қиып кетті

АСТАНА. Қыркүйектің 20-сы. ҚазАқпарат - Мексикалық Веракрус штатында болған тасқыннан соң елдің шығыс жағалауында дауыл тұрып алты адам қаза тапты,

тағы сегіз адам із-түзсіз жоғалғандар қатарында, деп хабарлайды Утро. ру агенттігі.

Жұма күні табиғаттың тосын мінезі Веракрус қаласына жақын маңда орын алған. Билік 40 мыңнан астам адамды қауіпсіз жерлерге көшіруге мәжбүр болды.

500 мыңнан астам адам апаттан зардап шеккен, көптеген тұрғындар су басқан үйлерде қалып, кейбіреулері жарықсыз отыр.