Мексиканың солтүстігінде құмды дауыл соқты

АСТАНА. KAZINFORM – Мексиканың солтүстігіндегі Чиуауа штатына құмды дауыл соғып, салдарынан жергілікті әуежай мен орталық тас жол уақытша жабылды, деп хабарлады штаттың азаматтық қорғаныс қызметі Facebook парақшасында, деп жазды РБК.

Қауіп туралы ескерту 19 сәуір күні алдын ала жарияланған, ал дауыл кейінірек штаттың 10-нан астам муниципалитетін қамтыды.

Негізгі салдары:

• La Razón мексикалық басылымының хабарлауынша, көріну деңгейі нашарлағандықтан, билік Панамерикалық тас жолды — штаттағы басты магистральдердің бірін уақытша жабуға мәжбүр болды.

• La República перуандық газеті атап өткендей, әуежай қызметі де бұзылып, бірнеше тұрғын үйге зиян келді.

Бұған дейін хабарланғандай, Трамп Мексика мен Канаданың автоөндірушілеріне баж салығын тоқтатты.