Мектеп автобусы аударылып, 12 адам зардап шекті
АСТАНА. ҚазАқпарат - АҚШ-та Техас штаты тас жолында мектеп автобусының апатқа ұшырауы салдарынан 12 адам зардап шекті. Көлікте барлығы 50 адам болған.
Ақпаратқа сәйкес жүргізуші жол ортасына тоқтаған өзге көлікпен соқтығысуға жол бермеу үшін шұғыл бұрылған. Салдарынан автобус аударылып кетті. Зардап шеккендер ауруханаға жеткізілді, апат орнында полиция жұмыс істеуде, деп хабарлады ТАСС.
