Мектеп мұғалімдері нанотехнологияларды қолдануды үйренуде
АСТАНА. Қаңтардың 25-і. ҚазАқпарат /Арман Асқаров/ - Бүгін Лев Гумилев атындағы Еуразия ұлттық университетінде мектеп мұғалімдеріне арналған «Қазіргі заманғы орта білім беру жүйесіндегі нанотехнологиялар» атты республикалық оқыту семинары басталды,
деп хабарлайды ҚазАқпарат.
Семинардың негізгі мақсаты - мектепте сабақ беретін педагог-мамандардың химия және физика пәнін оқыту жұмысында нанотехнологияларды қолдануларына жол ашу. Іс-шара аясындағы дәрістерді Еуразия ұлттық университетінің белгілі физик-ғалымдары оқуда. Ал семинардың іс-тәжірибелік курстарын университет жанындағы Пәнаралық ғылыми-зерттеу кешенінде өткізу жоспарланып отыр.
ҚР Білім және ғылым министрлігі «Дарын» республикалық ғылыми-тәжірибелік орталығының ұйымдастыруымен өтіп жатқан семинар қаңтардың 29-ына дейін жалғасады.
