Мектепке бомба қойылғаны туралы жалған хабарға байланысты 263 адам қауіпсіз жерге көшірілді

АСТАНА. Мамырдың 25-і. ҚазАқпарат - Мектепке бомба қойылғаны туралы жалған хабарға байланысты 263 адам қауіпсіз жерге көшірілді,

деп хабарлады Төтенше жағдайлар министрлігінің баспасөз қызметінен.

Құтқарушылардың дерегі бойынша, Атырау қаласындағы №18 орта мектепке жарылғыш құрылғы қойылғаны туралы анонимді қоңырау «102» пультіне кеше, мамырдың 24-і күні сағат 13:45-те түсті.

Жүргізілген арнайы шаралардың барысында ешқандай бомба табылған жоқ.