Мемлекет басшысы Алжир президенті Әбделмәжид Теббунға құттықтау жеделхатын жолдады

АСТАНА. KAZINFORM – Президент Қасым-Жомарт Тоқаев Алжир басшысы Әбделмәжид Теббунға құттықтау жеделхатын жолдады. 

Мемлекет басшысы өз кезегінде Әбделмәжид Теббун мен оның отандастарын Алжир Халық Демократиялық Республикасының ұлттық мерекесі – Революция күнімен құттықтады. 

Президент бейбітшілік пен ынтымақ қағидатын берік ұстанған Алжир мемлекетінің өркендей беруіне тілектестік білдірді. Сондай-ақ достық пен өзара түсіністікке негізделген мемлекетаралық қатынастарды одан әрі нығайтуға дайын екенін растады.