Мемлекет басшысы Ирак Президентін құттықтады

АСТАНА. KAZINFORM - Қасым-Жомарт Тоқаев Низар Амидиді Ирак Республикасының Президенті болып сайлануымен құттықтады, деп хабарлайды Ақорданың баспасөз қызметі.

Қазақстан Президенті Ирак мемлекеті мен халқының жарқын келешегін қамтамасыз етуге бағытталған Низар Амидидің бастамаларына сәттілік тіледі.

Сондай-ақ екі ел арасындағы дәстүрлі достық пен өзара қолдау рухындағы ынтымақтастықтың одан әрі дами түсетініне сенім білдірді.

Осыған дейін Қасым-Жомарт Тоқаев православ қауымын Пасха мерекесімен құттықтаған болатын.