Мемлекет басшысы Мажарстан Премьер-министрін Әулие Иштван күнімен құттықтады
АСТАНА. KAZINFORM – Қасым-Жомарт Тоқаев Премьер-министр Петер Мадьяр мен оның отандастарын ұлттық мереке – Әулие Иштван күнімен құттықтады, деп хабарлайды Ақорданың баспасөз қызметі.
– Мажарстанның бай мәдени мұрасынан бастау алатын бұл айтулы мейрам ұлт бірлігі мен ынтымағының жарқын белгісі, мажар халқының мақтанышы саналады, – деп жазылған жеделхатта.
Президент қазақ-мажар стратегиялық серіктестігін көптеген бағытта нығайта түсуге әрдайым бейіл екенін атап өтті.
Қасым-Жомарт Тоқаев Петер Мадьярдың жауапты мемлекеттік қызметіне табыс, ал бауырлас мажар халқына бақ-береке тіледі.
Айта кетейік, осыған дейін Испания Королі VI Фелипе Президент Қасым-Жомарт Тоқаевқа алғыс хат жолдаған болатын.
