12:45, 11 Сәуір 2025 | GMT +5
Мемлекет басшысы Шымкенттегі сауда-логистика орталығына барды
ШЫМКЕНТ. KAZINFORM – Президент стратегиялық маңызы зор Батыс Қытай – Батыс Еуропа көлік дәлізіне жақын орналасқан Almaar Logistics сауда-логистика орталығына барды. Бұл туралы Ақорданың баспасөз қызметі хабарлады.
Аумағы 24 мың шаршы метр болатын көп функционалды кешен құрылысына жеке инвестор 14,8 млрд теңге қаржы құйған.
Орталық өнім сақтаудың озық технологиясымен жабдықталған. Атап айтқанда, тез бұзылатын азық-түлікті ұзақ сақтамай, барынша жедел таратуға мүмкіндік беретін жүйе енгізілген.
Айта кетейік, Қасым-Жомарт Тоқаев Шымкент әуежайының жаңа терминалымен танысты.
Президент Қасым-Жомарт Тоқаев Шымкент қаласына барғанын жазған болатынбыз.
