Мемлекет басшысы Болгар қаласын және Град Свияжск аралын жаңғырту жобаларымен танысты
АСТАНА. ҚазАқпарат - Қазақстан Президенті Болгар қаласын және аумағында Успен Құдай-ана ерлер монастырының басты ғибадатханасы - Успен соборы орналасқан Град Свияжск аралын қайта жаңғырту жоспарымен танысты, деп хабарлайды Ақорданың баспасөз қызметі.
Успен соборын қалпына келтіру жұмыстары 1954 жылдан бері жүргізіліп келеді. 1970-1980 жылдары собордың қабырғаға салынған фреска кескіндемелері толық зерттелді.
Болгар кешенінің мұрасын қазіргі кезеңдегі жаңғырту және қалпына келтіру жұмыстары 1990-жылдары басталды. Сол кезде бұл бастамаға Татарстан Республикасының маңызды мемлекеттік бағдарламасы ретінде мән берілді.
