Мемлекет басшысы Еңбек министрлігіне 2013 жылдың 1 шілдесіне дейін орындалуы тиіс тапсырмалар берді
АСТАНА. 10 шілде. ҚазАқпарат - Мемлекет басшысы ҚР Еңбек және халықты әлеуметтік қорғау министрлігіне 2013 жылдың 1 шілдесіне дейін орындалатын тапсырмалар берді.
Бұл жайында Елбасы Нұрсұлтан Назарбаевтың Қазақстанның әлеуметтік жаңғыртылуы жөніндегі 4-ші тапсырмасында айтылған.
Президент Үкіметке индустриялық және инновациялық экономикалардың жаңа нысандарын өзін өзі жұмыспен қамтыған халық неғұрлым көп шоғырланған өңірлерде құру туралы мәселені шешу керектігіне маңыз беріп отыр.
«ҚР Еңбек және халықты әлеуметтік қорғау министрлігі 2013 жылдың 1 шілдесіне дейін: өзін-өзі еңбекпен қамтығандар тобындағы еңбекке қабілетті халықты нақты жағдайларды және жұмыспен қамту саласының перспективасын ескере отырып, жұмыспен қамтуға қарай ойыстырудың әдістемесін әзірлесін; өзін- өзі еңбекпен қамтыған халықты айқындау жөніндегі жаңа әдістемені ескере отырып, жұмыссыздық деңгейін айқындаудың әдістемесін жетілдірсін», - делінген 4-ші тапсырмада.
