Мемлекет басшысы Қорғаныс министрлігіне бірқатар кадрлық өзгерістер енгізді

ҚР Президенті баспасөз қызметінің хабарлауынша, Мемлекет басшысының Өкімдерімен: Нұрлан Айтманұлы Жоламанов Қазақстан Республикасы Қорғаныс министрінің орынбасары болып тағайындалды; Ратмир Әлімханұлы Комратов Қазақстан Республикасы Қорғаныс министрінің орынбасары болып тағайындалды, ол Қазақстан Республикасы Қарулы  Күштері Әскери-теңіз күштерінің Бас қолбасшысы қызметінен босатылды; Болат Бақытжанұлы Жаңасаев Ұлттық қорғаныс университетінің бастығы болып тағайындалды, ол Қазақстан Республикасы Қорғаныс министрінің орынбасары қызметінен босатылды.