23:57, 18 Сәуір 2020 | GMT +6
Мемлекет басшысы пандемиямен күреске арналған дәрі-дәрмек жібергені үшін Үндістан үкіметіне алғыс білдірді
НҰР -СҰЛТАН. ҚазАқпарат - ҚР Президенті Қасым Жомарт Тоқаев пандемиямен күреске арналған дәрі-дәрмек жібергені үшін Үндістан үкіметіне және Премьер-министріне алғыс білдірді, Бұл жайлы Мемлекет басшысы Twitter-де жазды, деп хабарлайды ҚазАқпарат.
«Пандемиямен күреске арналған дәрі-дәрмек жібергені үшін Үндістан үкіметіне және Премьер-министр @NarendraModi мырзаға шынайы алғысымды білдіремін. Осы көмек Үндістан шетелге дәрі экспорттауды тоқтатқан кезде жіберіліп отыр. Бұл нағыз достық пен ниеттестіктің белгісі деп санаймын», -деп атап өткен ҚР Президенті.