«Мемлекет және дін» атты жаңа журнал жарық көрді - Қ. Лама Шариф

АСТАНА. 16 қараша. ҚазАқпарат /Руслан Ғаббасов/ - «Мемлекет және дін» атты жаңа журнал жарық көрді. Бұл туралы бүгін Қазақстан дінтанушыларының бірінші форумында ҚР Дін істері агенттігінің төрағасы Қайрат Лама Шариф айтты.

«Бүгін Дін істері агенттігі дінтанушылардың алғашқы форумында «Мемлекет және дін» атты жаңа журналды таныстырды,-деді ол.

Төрағаның сөзіне қарағанда, бұл басылымда өзекті мақалалар, мемлекеттік құрылымдар мен зиялы қауым өкілдерінің баяндамалары, сұхбаттар жарияланатын болады.

«Бұл журналдың дін мен конфессиялар қатынастары саласындағы мемлекеттік саясаттың мәселелері бойынша аумақтарда діни ахуалдан хабардар болуы үшін өз үлесін тигізетініне үміттіміз»,-деді Қ. Лама Шариф.