Мемлекеттен қолдау көріп отырған кәсіпкерлер өндіріс көлемін ұлғайтуы тиіс — ҚР АШМ 

аграрные поля ауыл шаруашылығы алқаптары
Фото: Мақсат Шағырбаев/Kazinform

АСТАНА. KAZINFORM –   Ауыл шаруашылығы министрлігі Өсімдік шаруашылығы өнімінің өнімділігі мен сапасын арттыруды субсидиялау Ережелеріне өзгерістер енгізілгенін хабарлады.

Өзгерістер АӨК жалпы өнімінің көлемін ақшалай түрде ұлғайтуға бағытталған қарсы міндеттемелерді енгізу жолымен ауыл шаруашылығын субсидиялаудың тиімділігін айқындауды көздейді.

«Бұл өз өнімдерінің өнімділігі мен сапасын арттыру үшін субсидия алатын ауылшаруашылық өнімдерін өндірушілер енді өндіріс көлемін ұлғайту және сақтау бойынша белгілі бір міндеттемелерді орындауы керек дегенді білдіреді. Олардың тиімділігі өндірілген өнімнің ақшалай құны бойынша бағаланады», - делінген хабарламада.

Міндеттемелердің орындалуы туралы ақпарат субсидиялаудың мемлекеттік ақпараттық жүйесінде тіркелетін болады. Егер өндіруші өз міндеттемелерін екі жыл қатарынан орындай алмаса, онда ол субсидия алу құқығынан айырылады.

Қарсы міндеттемелерді енгізу алдында пилоттық жоба іске асырылатын болады, оның шеңберінде агроөнеркәсіптік кешен субъектілері өсімдік шаруашылығы саласында субсидиялар алу үшін белгілі бір талаптарды орындауға міндеттенеді.

Соңғы жаңалықтар