Мемлекеттік кірістер органдары биылғы 10 айда 14 миллионға жуық қызмет көрсетті - Н.Рахымғалиев

АСТАНА. ҚазАқпарат - Мемлекеттік кірістер органдары ағымдағы жылдың 10 айында 14 миллионға жуық мемлекеттік қызмет көрсетті. Бұл туралы бүгін ҚР ҚМ Мемлекеттік кірістер комитеті Мемлекеттік қызмет көрсету басқармасының бастығы Нұрлан Рахымғалиев мәлім етті.
None
None

«Мемлекеттік кірістер органдары 2015 жылдың 10 айы ішінде 13 816 130 мемлекеттік қызметті көрсетті, оның ішінде электрондық түрдегі қызметтер - 11 141 238-ді, қағаз түріндегілер - 2 674 892-ні құрады», - деді ол.

Оның айтуынша, 2015 жылғы қаңтардан бастап «Орталықтандырылған біріздендірілген жеке шоттар» ақпараттық жүйесі енгізілген. Аталған жүйені енгізу жеке шоттардың жүргізуін есепке алу бойынша бизнес-үрдісті оңайлатуға мүмкіндік беріп отыр. Мұнан бөлек, аталған жүйені енгізу аясында ағымдағы жылғы шілдеде салықтық және кедендік төлемдер бойынша бюджеттік сыныптама кодтарына қысқартулар жүргізілді.

208 бюджеттік сыныптама кодтарының 119-ы немесе 57 пайыздан астамы қысқартылды. Оны қысқарту барлық мемлекеттік органдардың жұмысын елеулі оңтайландыруға, ақпараттық жүйелердегі жүктемені төмендетуге мүмкіндік берді. 2015 жылғы шілде-қазан кезеңі ішіндегі нәтижеде өткен жылдың сәйкес кезеңімен салыстырғанда төлемдердің саны 10,0 млн.-нан 8,0 млн.-ға дейін немесе 20 пайызға қысқартылды», - деді ол.

Соңғы жаңалықтар