Мемлекеттік қолдаудың арқасында құс шаруашылығы өркендеп келеді
«Артқа көз салар болсақ, онда отандық құс шаруашылығы қайта дамып келе жатыр деп нық сеніммен айтуға болады. Мәселен, соңғы 6 жылдың ішінде құс етін өндіру көлемі 67 пайызға, тауарлық жұмыртқа өндірісі 78 пайызға артып, құс саны 87 пайызға көбейді. Ағымдағы жылы жалпы құс еті өндірісінің көлемі 203 тоннаны құрайды деп күтілуде. Оның 193 мың тоннасын құс фабрикалары өндіретін болады», - деді ол.
Оның пайымынша, құс шаруашылығындағы өндіріс көлемінің артуына мемлекеттік қолдау өз септігін тигізіп отыр. Бұған қоса, бизнес те бұл салаға қаржы құя бастады.
«Соңғы жылдары ішінде мемлекеттік қолдау көлемі 18 есе ұлғайды. Мемлекет тарабынан көрсетіліп отырған бұл қолдау шаралары құс өсіретін шаруашылықтар санының артуына да себепкер болды», - деді Шәріпов.
Сонымен қатар ол өз сөзінде құс шаруашылығында орын алып отырған бірқатар түйткілдерге де тоқталып өтті. Мәселен, кейбір құс шаруашылықтарында инкубациялық жұмыртқа мен тәуліктік балапандардың тапшылығы байқалады.