Мемлекеттiк қызмет стандарттарын бекiту туралы қаулыға өзгерістер енгізілді

АСТАНА. 20 қазан. ҚазАқпарат - ҚР Үкіметі мемлекеттiк қызмет стандарттарын бекiту туралы қаулыға өзгерістер енгізді.

ҚазАқпарат құжаттың мәтінін таратады. 

Қазақстан Республикасы Үкіметінің қаулысы

2012 жылғы 9 қазан

№1278

  

«Қазақстан Республикасы Үкiметiнiң 2007 жылғы 30 маусымдағы № 561 қаулысына өзгерiс пен толықтырулар енгiзу туралы және мемлекеттiк қызмет стандарттарын бекiту туралы» Қазақстан Республикасы Үкiметiнiң 2009 жылғы 30 желтоқсандағы № 2315 қаулысына
өзгерістер енгізу туралы 

1. «Қазақстан Республикасы Үкiметiнiң 2007 жылғы 30 маусымдағы №561 қаулысына өзгерiс пен толықтырулар енгiзу туралы және мемлекеттiк қызмет стандарттарын бекiту туралы» Қазақстан Республикасы Үкiметiнiң 2009 жылғы 30 желтоқсандағы № 2315 қаулысына (Қазақстан Республикасының ПҮАЖ-ы, 2010 ж., № 5, 61-құжат) мынадай өзгерістер енгізілсін:

тақырыбы мынадай редакцияда жазылсын:

«Ақпарат және мұрағат ісі саласындағы мемлекеттік қызмет стандарттарын бекіту туралы»;

2-тармақтың 2) тармақшасы мынадай редакцияда жазылсын:

«2) «Облыстың, республикалық маңызы бар қаланың, астананың аумағында таратылатын шетелдiк мерзiмдi баспасөз басылымдарын есепке алу»;»;

3-тармақ мынадай редакцияда жазылсын:

«3. Қазақстан Республикасы Мәдениет және ақпарат министрлiгi осы қаулыдан туындайтын шараларды қабылдасын.»;

1) көрсетілген қаулымен бекітілген «Бұқаралық ақпарат құралдарын есепке қою» мемлекеттiк қызмет стандарты осы қаулының 1-қосымшасына сәйкес жаңа редакцияда жазылсын;

2) көрсетілген қаулымен бекітілген «Облыстардың, республикалық маңызы бар қаланың, астананың аумағында таратылатын шетелдiк бұқаралық ақпарат құралдарын есепке алу» мемлекеттiк қызмет стандарты осы қаулының 2-қосымшасына сәйкес жаңа редакцияда жазылсын;

3) көрсетілген қаулымен бекітілген «Қазақстан Республикасының мемлекеттiк мұрағаттарынан шығатын және шет елге жiберiлетiн мұрағаттық анықтамалар мен мұрағаттық құжаттардың көшiрмелерiн апостильдеу» мемлекеттiк қызмет стандарты осы қаулының 3-қосымшасына сәйкес жаңа редакцияда жазылсын;

4) көрсетілген қаулымен бекітілген «Мұрағаттық анықтамалар беру» мемлекеттiк қызмет стандарты осы қаулының 4-қосымшасына сәйкес жаңа редакцияда жазылсын.

2. Осы қаулы алғашқы ресми жарияланғанынан кейін күнтізбелік он күн өткен соң қолданысқа енгізіледі.

Қазақстан Республикасының  Премьер-Министрі С. Ахметов 

Құжаттың толық мәтіні республикалық БАҚ-да жарияланады.