«Мемлекеттік статистика туралы» заң жобасы екінші оқылымда дайындалды
АСТАНА. Желтоқсанның 8-і. ҚазАқпарат /Айдын Бәймен/ - Жұмыс тобы «Мемлекеттік статистика туралы» заң жобасын екінші оқылымға жан-жақты дайындады. Енді бұл жобаны Палатаның талқысына шығаруға болады. Мәжілістің Экономикалық реформа және өңірлік даму комитеті осындай қорытындысын берді,
деп хабарлайды ҚазАқпарат.
Екінші оқылымға дайындау барысында заң жобасының жекелеген нормалары нақтыланған және редакциялық түзетулер енгізілген. Заң жобасы бойынша жұмыс тобында енгізілген түзетулер жөнінде Мәжіліс депутаты Аманкелді Момышев баяндап береді.
Айта кету керек, бұл заң жобасы еліміздің мемлекеттік статистика туралы заңнамалық нормаларын реттеуді көздейді.
Аталған заң жобасы ертең Мәжілістің жалпы отырысында талқыға салынады.
