17:11, 02 Ақпан 2009 | GMT +5
Мемлекеттік тілді меңгеруге арналған «Мәртебелі сөз» оқу-әдістемелік кешені әзірленді
АСТАНА. Ақпанның 2-сі. ҚазАқпарат /Арман Асқаров/ - Бүгін ҚР Мәдениет және ақпарат министрлігіне қарасты Тіл комитетінде ресми қазақ тілін меңгеруге арналған «Мәртебелі сөз» оқу-әдістемелік кешенінің таныстырылымы болды,

деп хабарлайды ҚазАқпарат.Мемлекеттік органдардың қызметкерлеріне арналған аталған тілдік курста қазақ тіліндегі электронды жаттығулар мен тестік тапсырмалар, сондай-ақ ресми сөздіктің нұсқасы қамтылған. «Мәртебелі сөз» оқу-әдістемелік кешені ҚР Мәдениет және ақпарат министрлігі Тіл комитетінің тапсырысымен Ш.Шаяхметов атындағы Тілдерді дамыту жөніндегі республикалық үйлестіруші-әдістемелік орталықта әзірленген.