Мемлекеттік тұрғын үй қорынан баспанаға мұқтаж азаматтарды есепке алу мемлекеттік қызметтерін көрсету стандарты бекітілді

АСТАНА. Сәуірдің 3-і. ҚазАқпарат - ҚР Премьер-Министрі Кәрім Мәсімов «Елорданың, республикалық маңызы бар қалалардың, аудандардың (облыстық маңызы бар қалалар) жергілікті атқарушы органдарында жеке тұрғын үй қорынан жергілікті атқарушы органдар жалдаған тұрғын үйлерге немесе мемлекеттік тұрғын үй қорындағы тұрғын үйге мұқтаж азаматтарды есепке алу» мемлекеттік қызметтерін көрсету стандарттарын бекіту туралы қаулыға қол қойды, деп хабарлайды ресми бұқаралық ақпарат құралдары.

2008 жылғы желтоқсанның 4-індегі ҚР Бюджеттік кодексінің 34-бабы 2-тармағына сәйкес Қазақстан Республикасының Үкіметі қаулы етеді:

1. Қоса беріліп отырған «Елорданың, республикалық маңызы бар қалалардың, аудандардың (облыстық маңызы бар қалалар) жергілікті атқарушы органдарында жеке тұрғын үй қорынан жергілікті атқарушы органдар жалдаған тұрғын үйлерге немесе мемлекеттік тұрғын үй қорындағы тұрғын үйге мұқтаж азаматтарды есепке алу» мемлекеттік қызметтерін көрсету стандарттары бекітілсін.

2. Осы қаулы ресми жарияланған күннен бастап 10 күнтізбелік күн аяқталғаннан кейін қолданысқа енгізіледі.

Қаулының толық мәтіні республикалық БАҚ-тарда жарияланды.