Мемлекеттік және ұлттық жоғары оқу орындары сатылмайды - Қасым-Жомарт Тоқаев
НҰР-СҰЛТАН. ҚазАқпарат - Мемлекеттік және ұлттық жоғары оқу орындары сатылмайды. Бұл туралы Ұлттық қоғамдық сенім кеңесінің 4-отырысында Мемлекет басшысы Қасым-Жомарт Тоқаев айтты, деп хабарлайды ҚазАқпарат тілшісі.
«Менің тапсырмама сәйкес, жоғары оқу орындарының құрылымын өзгерту жұмыстары жүргізілуде. Көптеген жоғары оқу орны коммерциялық емес акционерлік қоғамға айналды. Бұл ел ішінде әртүрлі әңгіме туғызуда. Сондай-ақ бірі мемлекеттік жоғары оқу орындары кейіннен жекеменшікке сатылуы мүмкін деген де күдік бар. Осыған орай мемлекеттік және ұлттық жоғары оқу орындары сатылмайтыны жөнінде мәлімдеймін», - деді Мемлекет басшысы.
Қасым-Жомарт Тоқаев бұл мәселе айрықша назарда екендігін баса айтты.
