Мен Канеломен айқасқа дайынмын - Головкин

АСТАНА. ҚазАқпарат - Бүгінгі жекпе-жектен кейін сұxбат берген қазақстандық боксшы Геннадий Головкин мексикалық боксшы Сауль "Канело" Альвареспен жұдырықтасуға дайын екенін тағы бір мәрте мәлімдеді, деп xабарлайды ҚазАқпарат тілшісі.

"Әрине, мен ол жекпе-жекті қалаймын. Мен дайынмын. Сол жекпе-жекке деген ынтам күшті болып тұр. Оны өткізуге мүдделімін", - деді Головкин. Сондай-ақ қазақстандық боксшы Дэниэл Джейкобспен қайта кездесуге әзір екенін де жеткізді.

Айта кетейік, бүгінгі жекпе-жекте орта салмақта WBA (Super), IBO, WBC және IBF нұсқалары бойынша әлем чемпионы Геннадий Головкин (36-0, 33 КО) кезекті жеңісіне қол жеткізіп, барлық белбеулерін қорғап қалды. Алайда үздіксіз нокауттар сериясы осымен аяқталды. Ал Дэниэл Джейкобс (32-1, 29 КО) өзінің спорттық мансабында екінші рет жеңіліс тапты.  Жекпе-жектен кейін Геннадий Головкин осы жолғы айқасты 12-ші раундқа дейін жеткізуді көздемегенін мәлім етті .