Мерекелік қарбаласта ұрылардан қалай сақтану қажет
АСТАНА. ҚазАқпарат -Полиция қызметкерлері әмиян мен құнды заттарды полиэтиленді пакетке және сөмкені азық-түлікке арналған арбаға салмауды, кезекте тұрғанда сөмкені қолға ұстап тұруды ескертеді, деп хабарлайды Елорда Инфо.
«Қоғамдық көлікте мұқият болуды, сөмкеңіздің жабық болуын қадағалау және алдыңызға ұстап тұру қажет. Сондай-ақ, отырған кезде алдыңызға алып отыруды, құнды заттарыңызды киімнің ішкі қалталарында алып жүру барынша қауіпсіз», - деп кеңес береді елордалық полицейлер.
Айта кетейік, жыл басынан астаналық тәртіп сақшылары қылмыс үстінде 135 ұрыны қолға түсірді. Олардың 40-ы уақытша ұстау изоляторына қамалған.
