Мерей Ақшалов ел құрамасының қоржынына екінші алтын медальді салды
АЛМАТЫ. 26 қазан. ҚазАқпарат - Қазақстан құрамасы бокстан Алмаитыда өтіп жатқан Әлем чемпионатында командалық есепте алға шықты. 64 келі салмақта бақ сынаған Мерей Ақшалов кубалық Ясниер Лопес Толедоны 3:0 есебімен қапы қалдырды.
Ел құрамасының қоржынына екінші алтын медальді салған Мерей жартылай финалда 2011 жылғы Әлем чемпионы бразилиялық Эвартон Лопесті де ұтқан болатын.
Қазір Қазақстан 2 алтын, 1 қоламен алда келе жатыр. Ал Ресей мен Куба қоржынында бір-бір алтын медаль бар. Егер олардың енді ақтық сында тек бір боксшылары ғана болса, қазақстандықтардың әлі төрт былғары қолғап шебері бар екенін ескерсек, қазақстандықтарды алдын ала құттықтай беруге болады.
