Мерей Медетов байдарка және каноэде есуден Азия чемпионы атанды

ҚЫЗЫЛОРДА. ҚазАқпарат - Шанхай (Қытай) қаласында байдарка және каноэде есуден жастар арасында өткен Азия чемпионатында қызылордалық спортшылар 2 жүлдені иеленді, деп хабарлады ҚазАқпарат тілшісі облыстық дене шынықтыру және спорт басқармасына сілтеме жасап.

Жоғары спорт шеберлігінің тәрбиеленушісі, ҚР халықаралық дәрежедегі спорт шебері  Мерей Медетов 200 метр қашықтықта каноэ - екілік бәсекесінде Азия чемпионы атанды.

 №5 облыстық олимпиадалық резервтің мамандандырылған балалар-жасөспірімдер мектебінің спортшысы, ҚР спорт шебері Алтынбек Қожахмет 1000 метр қашықтықта каноэ - бірлік сынында қола жүлдеге ие болды.

Спортшыларды жарысқа ҚР еңбек сіңірген жаттықтырушысы Мұхитдин Мейірбеков дайындады.