Мэрилин Монро көйлектерінің атақты коллекциясы аукционға қойылды
АСТАНА. ҚазАқпарат - Мэрилин Монро көйлектері аукционда сатылады. Жеке коллекцияға тиесілі белгілі голливуд актрисасының көйлектерін Julien's Auctions аукцион үйі саудаға қояды, деп жазады https://informing.ru.
Аукционда «Джазда тек қыздар ғана», «Автобус аялдамасы» және «Шоу-бизнес сияқты бизнес жоқ» фильмдерінде актриса киген киімдер, постерлер, зергерлік бұйымдар мен жұлдыздың жеке заттары сатылады.
Коллекция құны 3 миллион долларға бағаланып отыр.
Сауда 19 қарашада Лос-Анджелесте өтеді.
Атап өту керек, бес жыл бұрын Мэрилин Монроның «Зуд седьмого года» фильміндегі көйлегі $5,5 млн. сатылып, сахна костюмдерінің құны бойынша рекорд орнатты.
