Меркель Ауғанстандағы әуе шабуылына байланысты егжей-тегжейлі тексеру жүргізуге уәде берді
ГФР үкіметінің басшысы сейсенбі күні бундестагта Ауғанстандағы оқиғаға қатысты үкіметтің мәлімдемесін таныстырды. Ангела Меркель, бұл оқиғаның мән-жайын анықтау керектігін, бірақ барлық жағдай анықталғанша, алдын-ала дәлелсіз айыптаулар айтуға ерте екенін баса атап көрсетті.
Естеріңізге сала кетейік, оқиға өткен жұма күні Құндыз қаласының маңында, бундесвердің жауапкершілігіндегі аумақта орын алған болатын. НАТО-ның әуе шабуылының нәтижесінде 130-ге жуық адам қаза тапты, олардың көпшілігі - бейбіт тұрғындар.
РАТА-ТАСС агенттігінің хабарлауынша, Меркель ағымдағы жылдың соңына дейін Ауғанстан бойынша халықаралық конференция өткізу туралы Германия, Франция және Ұлыбританияның ұсыныстарын еске салды.