Месси әлемде ең қымбатқа бағаланатын футболшы атанды
АСТАНА. ҚазАқпарат - Аргентиналық шабуылшы Лионель Месси әлемде ең қымбат бағаланатын спортшылардың көшбасшысы атанды, деп хабарлайды Би-би-си CIES халықаралық спорттық зерттеу орталығының баспасөз қызметіне сілтемемен.
Ондағы мәліметтер бойынша, футболшы 220 млн евроға бағаланады.
Екінші орында "Реалдың" шабуылшысы Криштиану Роналду, оның «құны» 133 млн евро.
2014 жылғы қарашада Лионель Месси Испания чемпионатында ең көп гол салған ойыншы атанған. Сол жолы ол Чемпиондар лигасының ең үздік шабуылшысы да атанған еді.
