Meta-ның жаңа ережелері Еуроодақта қолданылмайды
АСТАНА. KAZINFORM — Meta-ның АҚШ-тағы контентті модерациялау жөніндегі жаңа ережелері 27 елде сұрақ туындатып отыр. Дегенмен инновациялар оларға әсер етпейді, деп хабарлайды Kazinform агенттігі Euronews-ке сілтеме жасап.
Компанияның негізін қалаушы Марк Цукербергтің жариялағандай, ол сөз бостандығы үшін Facebook, WhatsApp және Instagram платформаларында фактілерді «қоғамдық рейтингтермен» алмастырады.
Егер Меta Еуропадағы ойын ережелерін өзгерткісі келсе, ол алдымен Еуропалық комиссияға тәуекелді бағалау талдауын ұсынуы керек еді.
— Ең ірі онлайн платформаларда қандай мазмұнды модерациялау саясатын енгізу керектігін айтпаймыз. Бұл — олардың жауапкершілігі. Егер олар қауымдастық рейтингтеріне толығымен сенгісі келсе, бұл әбден мүмкін. Бірақ бұл мүмкіндік, платформа қандай модель таңдаса да, тиімді болуы керек, — деп атап өтті Еуропалық комиссия өкілі Тома Ренье.
Егер платформа Цифрлық қызмет туралы заңды (DSA) бұзса, ресми процедура басталады. Егер осының салдарынан сәйкессіздік туралы шешім қабылданса және платформа әлі де оны орындаудан бас тартса, айыппұл компанияның дүние жүзіндегі жылдық айналымының 6%-ына жетуі мүмкін.
Ірі цифрлық платформалар, Еуропалық комиссия және неміс реттеушісі ақпан айында өтетін Германияның кезектен тыс сайлауы алдында платформаларды еуропалық реттеуді талқылау үшін 24 қаңтарда қайтадан кездеседі.
Еске сала кетсек, былтыр АҚШ Сенатында Meta корпорациясының басшысы Марк Цукербергті әлеуметтік желілердің ықпалынан зардап шеккен ата-аналардан кешірім сұрауға мәжбүрледі.
