Металлургтер күнінде Теміртауда «Любэ» тобы өнер көрсетеді

АСТАНА. ҚазАқпарат - Биыл Теміртауда Металлургтер күніне орай ауқымды мерекелік шаралар өткелі жатыр. Мерекелік кеш ресейлік «Любэ» тобының концертімен аяқталады, деп хабарлайды облыстық әкімдіктің баспасөз қызметі.

Бұл күні сағат 19:30-да стадион алдындағы алаңда Литвинский балалар үйіне көмек ретінде қайырымдылық шарасы басталады. Қаржы жинау үшін арнайы жәшіктер орнатылмақ. Барлық қайырымдылық шарасына қатысушылар лотерея билетіне ие болып, сыйлықтар ұтысына қатыса алады. Сондай-ақ, мерекелік бағдарламада «Тірі суреттер» - «Металлургтер» атты көрме ұйымдастырылады.

Сағат 20.00-де металлургтер шеруі өтеді, содан кейін салтанатты шара басталады. Алдымен шығармашылық ұжымдар өнер көрсетіп, кейін әкімдік өкілдері мен «ArcelorMittal Темиртау» компаниясының жетекшілері металлургтерді мерелерімен құттықтайды. Осыдан кейін сахнаға «Любэ» тобы шығады. Концерт соңында мерекелік отшашу болады.