Мейрам Қажыкен Теміртауда бірқатар кездесу өткізді

АСТАНА. ҚазАқпарат - ҚР президенттіке үміткер Мейрам Қажыкен Теміртаудың Достық үйінде жекеменшік кәсіпорындардың қызметкерлерімен және салалық кәсіподақтартың мүшелерімен кездесті. Бұл туралы ҚазАқпарат кандидаттың штабына сілтеме жасай отырып хабарлайды.

Кездесу барысында Мейрам Қажыкен өзінің сайлауалды бағдарламасын таныстырып, кәсіпорындарды болып жатқан жайттар жайлы сөз қозғады.

Еске салсақ, Орталық сайлау комиссиясы Мейрам Қажыкенді «Аманат» Қазақстан кәсіподақтар достастығы» республикалық бірлестігі атынан Президенттікке кандидат ретінде тіркеді.

Айта кетейік, сайлау алдындағы үгіт-насихат 2022 жылғы 21 қазанда басталды және сайлаудан бір күн бұрын, яғни 19 қарашада аяқталады. 19 қараша – республика бойынша тыныштық күні. Ал, 20 қарашада президент сайлауы өтеді.