Мигранттар тасқыны үшін Францияның портты қаласы жабылуы мүмкін
АСТАНА. ҚазАқпарат - Францияның Кале портты қаласының басшысы Ла-Манш арқылы Франциядан Британияға өткісі келетін мигранттарды тоқтатуға Лондон көмек қолын созбаса, қаланы жабуы мүмкін екендігін мәлімдеді, деп хабарлайды ВВС.
Кале мэрі Наташа Бушар қаланы жабу заңсыз екенін мойындай отырып, осындай мәлімдемесі арқылы көрші мемлекеттің мигранттар мәселесіне назарын аудармақ.
Жергілікті билік көп жылдан бері Калеге заңсыз қоныстанған мигранттармен күресіп келеді. Қазір портты қалада Таяу Шығыстан, Азия мен Африкадан бір жарым мыңға жуық мигрант бар.
