Михаэль Шумахер өзінің отбасына 1 миллиард еуро өсиет етті

АСТАНА. ҚазАқпарат - Ole басылымы 2010 жылы атақты неміс автошабандозы Михаэль Шумахер өсиет жазып, өзінің отбасы мүшелеріне жылжымайтын мүлік және ақша қаражаттар түрінде бір миилард еуро қалдырғанын жазған.

Спортшының өз отбасына өсиеті бойынша, ол қайтыс болғаннан кейін барлық дүние зайыбы Коринна Шумахердің, ұлы Миконың және қызы Джина-Марияның арасында тең бөлінеді, деп хабарлады «Актуальные новости» сайты.

Еске сала кетейік, аңызға айналған Формула-1 шабандозы Михаэль Шумахер қазір Гренобль ауруханасы дәрігерлерінің барлық күш-жігерін жұмсауына қарамастан, ес-түссіз жатыр, әзірге әлі оянған жоқ. Дәрігерлер Михаэль Шумахердің денсаулық жағдайын ауыр, бірақ та тұрақты деп бағалауда.