Михаил Горбачев - 80 жаста
АСТАНА. 2 наурыз. ҚазАқпарат - Бүгін КСРО-ның алғашқы және соңғы президенті Михайл Горбачевтің туғанына 80 жыл толып отыр. Ол мерейтойын Мәскеуде атап өтеді, деп хабарлайды РБК.
"Бұл отбасы мен достардың ортасында өткізілетін жеке салтанат", - деп мәлімдеді мерейтой иесі.
Туған күнге тек достары ғана емес, көптеген мемлекеттердің бірінші басшылары да шақырылған.
"Ең басты басшыларды шақырдым", - деді М.Горбачев. Барлығы 300-ге тарта қонақтар келмекші.
КСРО-нің экс-президенті - өткен дәуірдің символы іспеттес. Оның атымен қайта құру, Берлин қабырғасының құлауы, Ауғанстаннан әскердің шығарылуы, Варшава келісімі, тағы басқалар байланысты. Ол - Нобель сыйлығының лауреаты.
