Михаил Горбачев Барак Обамен кездесті
ВАШИНГТОН. Наурыздың 23-і. ҚазАқпарат - АҚШ Президенті Барак Обама мен вице-президент Джозеф Байден Ақ үйде Михаил Горбачевпен кездесті,
деп хабарлайды ҚазАқпарат «Азаттық» радиосына сілтеме жасап. Жұма күні болған олардың әңгімесі бір сағаттан астамға созылды. Бұл туралы сапар барысында КСРО экс-президентіне еріп жүрген «Горбачев қоры» президентінің көмекшісі мәлім етті. КСРО-ның бұрынғы президенті Михаил Горбачев АҚШ-тың жаңа мемлекет басшысы Вашингтонда қабылдаған бірінші ресейлік саясаткер. Әңгіме барысында әлемдегі жағдай және сәуірдің 1-інде Лондонда өтетін Барак Обама мен Ресей Президенті Дмитрий Медведевтің кездесуінің қарсаңындағы екіжақты қарым-қатынас сөз болды.
