Михаил Кукушкин ATP рейтингінде бес саты жоғарылады
АСТАНА. ҚазАқпарат - Кәсіпқой теннисшілер қауымдастығы (ATP) рейтингінің жаңа нұсқасы жарияланды, деп хабарлайды Sports.kz.
Тізімнің басында швейцариялық Роджер Федерер тұр, ол Испания теннисшісі Рафаэль Надальды екінші орынға ығыстырды. Үздік үштікті германиялық Александр Зверев түгендеді.
Қазақстанның ТОП-100 қатарына ілінген жалғыз өкілі Михаил Кукушкин 96-орыннан 91-орынға көтерілді. Үздіктер жүздігіне ең жақын отандасымыз Александр Бублик (141-орын) те екі сатыға жоғарылаған.
